POESIA P'URHÉPECHA: ¿Ambeksïni Marhuáchisïni?

[Male Tsanda]

LES COMPARTO ESTA HERMOSISIMA POESIA SIN DUDA UNA DE MIS FAVORITAS ESPERO QUE LES GUSTE TANTO COMO A MI SALUDOS COORDIALES A TODOS ...

¿ Ambeksïni marhuáchisïni ?

Ambéksïni marhuáchisïni?...
p'urhépecha emankarhi pájka chiti eskuecharhu jimbo,
ch'pirhi tsïtsïkicherhi, enkarhi utasï nirajka,
k'erati irhetechani jimbo ka uitsakuechani jimbo isi.

Enkarhi k'erati xanarhuchani jimbo nirájka
tsurhumuechani t'auájchaskapani,
arhirhini... ¿ambeksïni marhuáchisïni?
¿ambeksïni marhuáchisïni carreterechá?...

p'urhépecha, enkarhi santku xukuparatini jamka,
chiti sïkichichani tarhiáparaparhini;
enkarhi isï nirani jarajka ambé kuiparatini tarhetarhu isï,
enkarhi k'arhi, k'arhintirantatini niani jarajka,
arhirhini... ¿ambeksïni marhuáchisïni?
¿ambeksïni marhuáhisïni itsïchá?...

Purhépecha enkarhi chiti sapiratichani
p'amenchatajka, ka noksïni nema p'amojkuchani,
jini k'arhi, k'arhindu isï enka jurhiáta kurhintskajka,
enkarhi irhekaka tererhirhuechandu, ka pajencharhu isï,
ka chiti juramutikini no sesï maiamuni chiti anchikuarhitani,
arhirhini... ¿ambeksïni marhuáchisïni?
¿Ambeksïni marhuáchisïni sïpiátichá?...

P'urhépecha enkarhi anhatapuchérhi k'umada jimbo isï,
kuataratini, noterhu jamberhi mananarhiajka eskuechani,
ka p'amondakuarhindi k'erati ka k'uetsapiti anchikurhitechani,
arhirhini... ¿ ambeksïni marhuáchisïni?
¿Ambeksïni marhuáchisïni troquechá?...

Enkaksï k'uistakata jaka chiti eratsïkuécha,
ka p'urhécherhi animecha nirajka chuxapakata,
arhirhini... ¿ ambeksïni marhuáchisïni eskarhi kurauáka
tarhiátechani k'uimuni, ambeksïni marhuáchisïni eskarhi kurauáka
mintsïrani k'erhati itsïchani?...

Enkaksï chiti eskuecha mentu isï jini erantskapajka,
ka noksï tsïpinarhini erandipakuechani xeparhini,
ka ni jurhiatani eranchiparhini.
Enka no chitika echérhi, ka ni juátecha
arhirhini... ¿ ambeksïni marhuáchisïni?
¿Ambeksïni marhuáchisïni eskarhi erájtsïkuáka juátechani?...

Enkarhi iásï anchikurhitspitika, enkarhi t'u ióntki k'erhi ambépka,
enkarhi k'erati xanarhuchani jimbo ambe t'auandupajka
ka chuxakapandendi chiti k'uirhipu,
ambeksïni marhuáchisïni, enkarhi itsïchani kurauájka mintsïrani,
ka joskuéchani amba ambandu, mere, merenchini,
ka enkarhi exekurhijka chiti uichuni jájtakurhini jatsïkurhitini,
ka enkarhi tu exekurhijaka namankarhi kanajka,
ka jantiájkuri sïminarhintani,

¡juchiti mimi... jikini kuramarhisïnka!!!

¿ambeksïni marhuáchisïni?
¿AMBEKSÏNI MARHUÁCHISÏNI CARAVINECHÁ?...

EN MEMORIA DE TATA SINFOROSO JINI K'ERI TANAKU ANAPU ISÏ
male Tsánda " Irhéri purhembe"

[Zacarias]

UNA PETICION ESPECIAL MALE TSANDA SI NO FUERA DEMACIADO PEDIR :¿ PODRIAS MANDARME LA TRADUCCION DE
"DE QUE TE SIRBEN" ESQUE ME DA MUCHA PEN DECIRTE QUE AHUNQUE "SEGUN YO TAMBIEN SOY PUREPECHA" PERO PUES TU SABES QUE NO TODOS USAMOS LAS MISMAS PALABRAS BUENO ESO ES TODO